AP-in healthcare tan Rs vbc 400 seng dawn

Arunachal Pradesh chief minister Pema Khan­du chuan a kaihhruai sorkar chuan district hospital zawng zawnga infrastructure tihchangtlunna turin special mission a kalpui dawn tih a sawi. 

Nilaini khan CM hian he project kalpui dan tur chungchang ngaihtuahin health department official-te chu review meeting a neihpui. 

State sorkar chuan district hospital-te thuam ṭhatna atan hian cheng vaibelchhe 400 a ruahman. Hei bakah hian healthcare institution hrang hranga thawktu indaih lohna phuhrukna turin sorkar chuan tun hnaiah nurse 400, medical officer 66 leh specialist doctor 34 a la thar bawk.