Tripura doctor-ten lungawi lohna an lantir

Tripura doctor, Dr Partha Talapatra kutthlak a nih avangin All Tripura Government Doctors Association (ATGDA) chuan Nigani khan lungawi lohna an lantir. 

Dr Talapatra hi Gomati district-a Natun Bazar Rural Hospital-a thawk lai niin, he hospital-a dam lo pakhat thi chhungte chuan kut an thlak a ni. Hemi hma, nikum December 3 khan Khowai district hospital-a thawk, Dr Tamal Sarwka chu tualchhung miten kut an lo thlak tawh bawk. 

ATGDA chuan Dr Talapatra kut thlak a nih chung changah police official-te hmuin, Natun Bazar police station-ah complaint an thehlut a, pawikhawihtute chu man a, hremna pe ngei tura an phut thu an sawi. 

Damdawi lama thawk­tute an hnathawkna hmuna an him lo a nih chuan, damlo pawh an enkawl ṭha thei dawn lo a ni, an ti.