Meghalaya-in ṭanpuina Rs vbc 80 dil

Meghalaya sorkar chuan West leh South West Garo Hills district-a tuilianin thil a tihchhiat thawmṭhatna leh chhawmdawlna pekna turin sorkar laipui  hnenah ṭanpuina, cheng vaibelchhe 80 a dil. 

State sorkar chuan kar kal ta Inrinni khan thil awmdan enfiah tura an state tlawhtu, central team hnenah an thil ngenna hi an lo thehlut a ni. 

Official chuan Revenue and Disaster department chuan West Garo Hills district-a Selsella, Demdema leh Tikrikilla block-a tuilianin thil a tihchhiat siamṭhatna turin cheng vaibelchhe 78.65 an dil a, South West Garil Hills DC chuan Zikzak leh Betasing block-a thil chhiate siamṭhatna turin cheng vaibelchhe 1.71 a dil bawk tih a sawi. 

Heng district pahnihte hian kum 25 chhunga tuilian an tawrh nasat ber ṭum a nih thu a sawi bawk.