Tripura-ah Congress-in 'Hunkar' rally huaihawt

Tripura Pradesh Congress chuan kar liam ta Zirtawpni khan state chhunga hna nei lo an pun zel avang leh, sorkar policy duh lohna lantirin 'Hunkar' rally an huaihawt.

West Tripur district magistrate chuan Agartala-ah darkar 48 awh CrPC section 144 puang mah se, Congress party hian 'special permission' dilin rally hi an huaihawt a ni. Rally-ah hian Assam Congress hruaitu Sushmita Dev leh central lama party hruaitute pawh an tel a ni. 

Congress party chuan Tripura-a BJP kaihhruai party chuan an state mipuite hmasawnna turin eng thil mah a ti lo a, thutiam awmze nei lo tiam bak tih a nei lo, an ti. Sushmita Dev chuan Tripura BJP chu ADC inthlan buatsaih tur pawhin a la inpeih lo a, a chhan chu inthlan hi buatsaih a nih chuan an chak dawn lo tih an hriatchian vang a ni, a ti.