France minister-in Kaziranga National Park tlawh

Ni nga cham tura India rama rawn zin, France minister of ecological transition Babara Pompili chuan kar liam ta Inrinni khan Assam-a Kaziranga National Park a tlawh.

France minister Pompili leh a team member 11-te chuan French Development Agency hnuaia Kaziranga Park-a project hrang hrang thawhte an en a ni. Kum 2012 aṭang khan French Development Agency hian Assam Project on Forest and Biodiversity Conservation (APFBC) chu sum leh technical lamah lo pui tawhin, an hnathawh hrang hrangah a pui a ni. 

Kumin January 28 khan union environment minister Prakash Ja­vadekar leh France minister Pompili te hian Indo-Frency Year of the Environment an lo hawng tawh a, hemi hnuaiah hian ram pahnihte hian environment leh a kaihhnawih area hrang hrangah an thawkdun dawn a ni. 

Climate change chungchanga India leh France ram thawhdunna chu thil pawimawh tak a nih thu sawiin, union minister Javadkar chuan prime minister Narendra Modi-a'n a hawn Interanational Solar Alliance-ah ram pahnihte hi pillar pawimawh tak an ni, a ti. Leilung humhalhna kawnga ram pahnihte thawhdunna chuan ram dangte pawh thil entawn tlak tak tur a siam dawn thu a sawi.