Tripura-ah Covid-19 vaccine dose 1,623 tichhia

Ram puma Covid-19 vaccine pekchhuah runpui kalpui mekah, state ṭhenkhatah vaccine eng emaw zat tihchhiat nia sawi a ni. 

Report ṭhenkhatin a tarlan danin, state panga-ah Covid-19 vaccine dose 5,000 vel tihchhiat a ni tawh a, heng zingah hian Tripura chu a tichhe hnem ber niin, dose 1,623 a tichhe tawh niin an sawi. 

Tripura-ah hian vaccine an dawn aṭanga 10% vel a chhe tawh nia sawi a ni a,  immunisation officer, Dr Kallol Roy chuan a chhan ber chu vaccine pek hi an tlem a, an state-in vaccine an dawn hi a dam hun a reiloin darkar 4 vel chauh a ni a, hemi hun chhunga hman a nih loh chuan hman tlak loh a ni zui mai a ni, a ti. Hei bakah hian vaccine chhiatna chhan pakhat chu dahṭhat a nih dan a dik tawk lo vang leh, vaccine dahna bawm ṭhat tawk loh vangte a nih thu a sawi bawk.