Lakhimpur-ah Amit Shah lim hal

Union home minister Amit Shah-a'n Guwahati-a NEDA conclave-ah, sorkar laipuiin Citizenship Bill a pass tur thu leh, hei hian hmarchhak biala dan hmante a nghawng dawn lo nia a sawi chu duh loin, Assam-a Lakhimpur district-a Asom Jatiyatabadi Yuva Parishad (AJYP) chuan Amit Shah-a lim an hal. 

NEDA conclave-ah hian hmarchhak state pathum chief minister-te chuan Citizenship Amendment Bill (CAB) an duh loh thu chiang takin an sawi a, hetihlai hian hemi chungchangah hian Assam chief minister Sarbananda Sonowal leh a cabinet minister-te erawh chu an ngawi reng nia sawi a ni. Hei hi duh loin, AJYP chuan state mipuite duhdan leh rilrute ngai pawimawh lo a, CAB pass a nih theihna tura state sorkarin a thlawp a nih chuan na taka lungawi lohna lantir an tum thu an sawi.