NFR-in single-use plastic hman titawp dawn
Northeast Frontier Railways (NFR) chuan October 2 aṭangin a tahtawlin single-use plastic hman a khap dawn.
NFR General Manager Sanjive Roy chuan September 11-a Railways employee-ten 'Swachhata Hi Sewa' campaign an neih hawnna inkhawmah, Indian Railways-in policy a siam angin, single-use plastic hi an titawp chho dawn tih a sawi a ni. 'Swachhata Hi Sewa' campaign hi October 2 thleng neih a ni dawn a, hemi chhung hian Railways headquarters complex thenfai hna thawh a ni ang.
Sanjive Roy chuan railway hnuaia thawkte chu faina beihpui thlak hna thawh chhunzawm zel tura tiin, bawlhhlawhte pawh ṭawih thei leh ṭawih thei lote thliar hrang zel turin a chah. NRF hian A-1 leh A caterogy station tinah plastic bottle crusher dah a tum bawk tih General Manager chuan a sawi.
Assam-a Mangaldai moots-ten single-use plastic hman khap
Assam Darrang district-a Mangaldai Municipal thuneitute chuan Nilaini khan public meeting koin 'single use plastic goods' hman khap a nih thu an puang ve bawk.
Swachh Bharat mission (Urban) hnuaia kar ruk chhung neih tur cleanliness public campaign ‘Swacchatai Seva’ peng pajgat atan public meeting hi an ko a ni. He meeting-ah hian mi thiam hrang hrangten faina chungchanga inzirtirna neiin, plastic hman tlem pawimawhnate an sawi.