Assam in Citizenship Amendment Bill an pawm tur a ni: Himanta Biswa Sarma

Assam Finance Minister Himanta Biswa Sarma chuan a twitter-ah Assam chuan Citizenship Amendment Bill an pawm tur a ni, tiin a sawi.

Himanta Biswa Sarma chuan Naxal/Left-te chuan tualthahna leh mi tihṭhaihnate hmanruaah hmang mah se Assam in Citizenship Amendmend Bill an pawm tur a ni, tia ngaihdan a neih chu a tidanglam chuang lo tih a sawi a ni. Tunah hi chuan hnehna chan ngei a ngai tih sawiin Assam leh India chuan hnehna an chang tur a ni, a ti bawk.

Citizenship Bill dodalna hi hmarchhak hmun hrang hrangah a la nasa hle a, Assam-ah chuan an zaithiam larte leh mi langsar tak takte pawhin an dodal thu an auchhuahpui mek a ni.

State zaithiam lar Zubeen Garg pawhin bill hi a dodal thu sawiin AASU nen thawkho in dodalna an lantir dawn a, Assam Chief Minister Sarbananda So­nowal hnenah pawh open letter thawnin, a vote pe kir leh turin a ti hial a ni.