Nagaland in dan anga Citizenship Bill hnawlna provision nei : NDPP

Nationalist Democratic Prog­ressive Party (NDPP) chuan Ningani khan thu­chhuah siamin Citizenship (Amendment) Bill 2016 chu Nagaland chuan Article 371 (A) of the Constitution of India hnuaiah hnawl theihna an nei tih an sawi.

NDPP chuan Article 371(A) hnuaiah hian Nagaland Legis­lative Assembly in resolution siama thutlukna an siam hma chuan Parliament Act chu an duh a nih chuan an hmang lo thei tih tarlangin, Article 371 (A) thlir chunga thutlukna siam chu a finthlak hle dawn tih an sawi a ni. 

Article 371 (A) chu an state tana special provision pek bik a nih thu tarlang bawkin Naga mipuiten an thisen leh an mittui hmanga an neih a nih thu an tarlang bawk.