Meghalaya: Dan loa lungalhthei phur truck-te dap ṭan

Supreme Court leh Na­tional Green Tribunal (NGT)-te thupek zawmin Me­gha­laya-a East Garo Hills thuneitute chuan dan loa lungalhthei phur truck-te dapin beihpui an thlak.

National Highway-62-a Nengkhra area-ah Ningani kha beihpui thlak a nih thu tarlan niin truck pakhat chu man a nih tawh thu an sawi.

East Garo Hills Deputy Commissioner, Swapnil Tembe chuan truck pakhat an man tawh thu a sawi a, a dang pawh an la man belh dawn thu leh hmun hrang hranga beihpui thlakna report an ngaihchan mek thu a sawi a ni. East Garo Hills-ah chuan lungalhthei laichhuahna a awm tawh hrih loh thu sawiin, truck an man pawh hi danin a khap tak avanga South Garo Hills lama thawnlet tur a nih an rin thu a sawi bawk.

Nengkhra area-ah hian rat hole mine a awm nual nia hriat a ni a, hengte hi zawnchhuah vek tumin beihpui hi an thlak dawn bawk a ni.