Manipur residential complex hmasa ber tur Lungphum phum

Manipur multi-sto­ried residential com­plex hmasa ber tur lung­phum chu Nilaini khan Chingmeirong, Sangakpham, Imphal East District-ah an phum.

Kangleipak Infra­structure and Housing (KIAH) Enterprise chuan project hi a kalpui dawn a ni. Multi-storied residen­tial complex hmasa ber tur lungphum phumnaah hian chief secretary Dr J Suresh Babu, Municipal Administration Hou­sing & Urban Deve­lopment(MHUD) commissioner M Joy Singh leh director Th Harikumar Singh-te pawh an tel.

Residential complex thar tur hi chhawng sarih-a sang tur a ni a, Manipur hi lirnghing kalkawnga awm a nih avangin chhawng li thleng chiah sak phalna pek an ni phawt a, mahse building by-laws siamṭhat niin an duh anga sang in hi venhimna ṭha tak siam chungin an sa thei dawn ta a ni.

Dr J Suresh Babu chuan Kailash Company chu a lawmpui thu a sawi a, ram a tlem tawh avangin ram la hek tlem zawnga in sak a ṭul tawh thu a sawi. Director Harikumar Singh chuan RBD Im­phal Residency chu Manipur-a residential complex hmasa ber a nih tur thu leh hemi hmang hian hna leh chhiah aṭanga pawisa lakluh a pun theih dawn thu a sawi a ni.