Vawiinah Asom Darshom scheme tlangzarh dawn

Assam sorkarin an state chhunga khualzinte tlawh duh tur hmunte leh sakhaw hmun pawimawhte thuam ṭhat a, chawi larna tur scheme a duan, Asom Darsham scheme chu vawiinah tlangzarh a ni dawn. 

Asom Darsham scheme atan hian cheng vaibelchhe 710 dah a ni a, thawh hniha kalpui niin a thawh khatnaah  state chhunga sakhaw hmun pawimawh 915-te thuam ṭhat an ni dawn a, heng hmun kalpawhna kawngpuite pawh chei ṭhat a ni bawk ang. 

Sakhaw hmun thuam ṭhatna tura thlante hi cheng nuai 10 pek an ni dawn a, hengte hi temple 459, satras 186, naamghars 123, mosque 47 leh church 26 an ni. Heng hmunte hi kum 100 chuang veka upa an ni hlawm. Heng sakhaw hmun chei ṭhat hna  hi an awmna ṭheuha deputy commissioner-te kutah mawhphurhna dah  a ni a, kawng siam hna hi PWD lamin an thawk thung ang. Kawng siam nan hian cheng vaibelchhe 615 ruahman a ni. 

Scheme thawh hnihnaah chuan state chhunga tourist destination 316-te chei ṭhat an ni dawn a, hei hi tourism department lamin a thawk thung ang.