Tripura sorkarin Degree college hawn belh dawn

Tripura sorkar chuan Public-Private Partnership (PPP) model hnuaiah degree college eng emaw zat din belh a tum tih edu­ca­tion minister Ratan Lal Nath chuan Pathianni khan a sawi. 

Tripura hian degree college 22 a nei mek a, heng college hrang hrangah hian zirlai 44,357 an awm a ni. Technical college paruk awmin, zirlai 3,640 an awm bawk. State sorkar chuan higher education chu tihchangtlun a, national level-ah pawh lang thei khawpa siam a tum mek a ni. 

Minister Ratan Lal Nath chuan National Assessment and Accrediation Council-in a pawmpui college pariat chauh ni ṭhin chu 21-ah a kai chho tawh tih sawiin, UGC pawhin heng college tan hian fund a pe ve ṭan tawh a ni, a ti.