AP CM-in khawtlang tana ṭha project ngai pawimawh turin ti

Arunachal Pradesh chief minister Pema Khandu chuan Engineers Day a hmanpuinaah, engineer rualte chu khawtlangin an ṭhatpui tur chi project-te ngaihven a, ngai pawimawh turin a chah. 

CM Khan chuan a kaihhruai sorkar chuan mimalin hlawkna a telna tur scheme chu dangin, khawtlang mipuiten an ṭhatpui leh hlawkpui tur zawk project-te chauh kalpui a tum dawn tih a sawi a ni. "Project-te chu thawh ṭan an nih hnuah, uluk taka thlithlai zui zel an ni ang. Hei hian hna thawhte chu langtlang takin a kaltir thei dawn a, eirukna turte dang betin hmasawnna tak tak a thlen thei dawn a ni," a ti. Project thawh ṭan tawh chu zo fel loa bansan hni hne a awm tur a ni lo a, tihkhawtlai pawh a awm tur a ni lo, tiin a sawi. 

An state-a hnathawhna hrang hranga engineer-te inpekna leh an tha thawhte fakin, Khandu chu sorkar chu theihtawpa thawhpui chhunzawm zel turin a chah. "In mawhphurhna hriain hlen ula, state -in hma a sawnna tur tibuaitu ni lo ang che u", tiin engineer rual kalkhawmte chu a chah a ni.