Nagaland Lokayukta-in Dy CM chhui chiang turin a ti

Nagaland Lokayukta chuan a thuneihna dik lo taka hmanga deputy chief minister Y Patton puh a nih chungchang chu chief minister hnenah chhui chiang turin a ti.

Dy CM laka thubuai thehluttu hi zirlai pawl hruaitu hlui, Vicca S Aye a ni. Kar liam ta Nilaini khan  Lokayukta hnenah thubuai thehlutin, Patton hian a thuneihna dik lo taka hmangin Nagland Public Service Commission (NPSC) exam result a tidanglam niin a puh.

 

Eptu party, Naga People's Front (NPF) pawhin Dy chief minister puhna chungchanga hi state assembly neih zawh takah khan a lo sawi chhuak tawh bawk.