India-Thailand-in Meghalaya-ah Joint military exercise nei
Indian Army leh Royal Thai Army-te chuan Thawhṭanni aṭang khan Meghalaya-ah joint exercise an nei.
Ram pahnih sipaiten joint exercise an neihah hian Colonel Rahul Joshi kaihhruaiin Indian Army 100 leh Colonel Thiradej Limkunagul kaihhruai Royal Thai Army 45 an tel. Joint exercise, MAITREE hi ni 14 chhung awh tur a ni.
Exercise neih chhung hian sipaite hian Shillong aṭanga km 25-a hla, Umroi Cantonment-a Join Training Node-ah Counter Terrorism Operations an nei nghal dawn a ni.
Defence thupuangtu, Wing Commander Ratnakar Singh chuan Exercise MAITREE chu kumtina ram pahnih sipaiten an neih ṭhin a nih thu sawiin, kum 2006 aṭang khan Thailand leh India ramah neih chhawk ṭhin a nih thu a sawi. Meghalaya-ah hian an neih ṭum khatna a ni tih a sawi bawk.
Training hian ram pahnihte security lamah a tihchak tur thu Royal Thailand Army Col. Thiradej Limkungul chuan sawiin, Royal Thai Army leh Indian Army-te chuan inzawmna ṭha tak an neih thu leh, inlaichinna ṭha tak an neih chhunzawm zel a beisei thu a sawi.