Tripura BJP hruaitu kaphlum

Tripura-a Bharatiya Janata Party (BJP) hruaitu, Kripa Ranjan Chakna chu mi tu tih hriat lohten kar liam ta Inrinni khan an kaphlum. 

Police-te chuan silai keng mi 2/3 emaw velin Dhalai district-a Manikpur khuaa kum 35 mi, BJP hruaitu Chakma in hi beiin, tribal leader hi a hmuna an kaphlum niin an sawi. Senior officer-te kaihhruaiin security force-te chuan pawikhawihna man tumin beihpui an thlak nghal a, tualchhung mi pakhat chu rinhlelh thilah man a ni tawh. 

BJP chuan tualthahna thleng hi an dem thu sawiin, Tripura Tribal Areas Autonomous District Council inthlan an hmachhawn dawn avangin he thil hi politics lama inbeihna nia an ngaih thu an sawi. BJP thupuangtu Nabendu Bhattacharjee chuan Kripa Ranjan Chakna chu tribal mite tan leh an bial hmasawnna tura inpe leh  hna thawk ṭha tak a nih thu sawiin, rawng taka kahhlum a ni chuan a ṭhawng hle tih a sawi.