Sorkar tha chuan journalism ṭha a mamawh : Tripura CM

Tripura chief minister Biplab Kumar Deb chuan an state-a journalist-ten sorkar rorelna ṭha an duh a nih chuan, ani pawhin an lak aṭangin journalism ṭha leh rintlak a beisei let tih a sawi. 

Pathiannia Tripura Journalists' Union-in Agartala Press Club-a hun an hmanah CM chuan thu sawiin, "Sorkar ṭha leh journalism ṭha chuan inzawmna ṭha tak an nei a ni. Sorkar siamtute pawhin mipuite avanga thuneihna chang thei an ni tih an inhriat a ngai a, party hi chu platform ringawt a ni. Hetiang bawkin journalist-te chakna hnar chu mipuite bawk an ni. Media-in an tihchhuah apiang mipuiten an ring nghal zel tur nia an ngaihna hi a thleng ziah lo a  ni," a ti. 

State tana journalist-te inpekna leh hnathawkte fakin, CM chuan Covid-19 hripui leng karah dik taka report an pek vang leh inpekna te lawmawm a tih thu a sawi a, hemi rual hian thil dik tawk lo an report chuan a tuartu chu  mipuite an ni tih an hriatreng a ṭul thu a sawi bawk.