Meghalaya CM-in Bangladesh tlawh dawn

Meghalaya chief minister Conrad K Sang­ma chuan Bangla­desh leh India-ten inlai­chinna ṭha leh nghet zawk an siam dan tur kawng ngaihtuahin, tun thla chhung hian Bangladesh tlawh a tum tih a sawi. 

Bangladesh minister Dr Hasan Mahmud chuan nimin khan Sangma hi Shillong-ah hmuin, ram pahnihten inkalpawhna ṭha leh insumdawn tawnna ṭha zawk an neih theih dante an sawidun a ni. Mahmud chuan nakkum March 17-a Bang­ladesh hnam pa, Sheik Mujibur Rahman pian­cham lawmna neiha tel turin a sawm nghal bawk. 

Sangma leh Mahmud hian Meghalaya leh Bangladesh inkara road link ṭha zawk siam dan turte an sawidun a, hei bakah hian international border-a border haat (market)-te ṭangkai zawka siam a nih theih dante an sawi bawk.