Tripura Chief Minister-in 'one nation, one language' thlawp

Tripura chief minis­ter Biplab Kumar Deb chuan union home mi­nister Amit Shah-a'n India ram puma ṭawng pakhat, Hindi hman a rawtna, 'one nation, one language' chu a thlawp tih sawiin, English ṭawng hman chu hmasawnna nia a ngaih loh thu a sawi.

Agartala-a function neihna hmuna thu a sawi­ah, Chief Minister chuan, "English ṭawng hmang kher loin Japan, Russia, Germany leh France-te pawhin hlawhtlinna nasa tak an lo nei tawh a ni," a ti. English ṭawng thiam lote chu hmuh hniam an ni kher tur a ni lo tiin, hlawhtlinna kawng awmchhun a ni lo, a ti. 

Amit Shah hian khawvel hriata India nihna tarlanna turin ram pumin ṭawng pakhat a neih a ṭul thu sawiin, mipuite chu Mahatma Gandhi leh Sardar Vallabh Patel-te duhthusam tipuitling tura Hindi  hmang uar turin a chah a ni.