Kumtawpah chuan Naga accord hmawr kan bawk tawh ang: Ram Mandhav
Bharatiya Janata Party (BJP) National General Secretary leh BJP NE & Kashmir incharge Ram Madhav chuan kumin kumtawpah chuan Naga accord hmawr an bawk tawh dawn tih a sawi.
Tiyi hall, Wokha, Nagaland-a nimina Jan Jagran Abhiyan hnuaia Article 370 Sampark Abhiyan meeting an neihnaah hemi chungchang hi a sawi a ni. Kumin kumtawpah hi chuan Naga accord hmawrbawk an tum ngei tawh tih leh, hemi hmang hian Nagaland-ah remna leh muanna a awm tawh tur thu a sawi bawk.
Ram Madhav chuan J&K-a Article 370 pawh tihtawp a nih theih chuan Nagaland hmalam chu PM Modi leh state BJP hruaitute kutah him takin a awm tih a sawi. Nagaland chu a him tih sawiin Aricle 370 leh Article 371 chu ngaihpawlh tur a ni lo tih a sawi bawk. Article 370 chuan ram inpumkhatna a kawh loh laiin 371 chuan India sorkar leh India state-teah harsatna a thlen lo a ni, a ti.
NDPP nena an thawhdunna chungchang pawh sawiin NDPP leh BJP-in seat an insem dan chu a puiltingin a felfai hle a, an term pawh an hmang zo ngei ang, tiin a sawi bawk. Nimina meeting an neihnaah hian state BJP hruaitute leh party worker-te an tel ṭha hle.