Meghalaya RTI activist hnenah chawimawina pe

Meghalaya Right to Information (RTI) activist Agnes Kharshiing chu Istanbul-a Lufti Kirdar International Conven­tion and Exhibition Centre-ah 11th International Hrant Dink Award hlan a ni. 

Kharsiing hian East Jaintia Hills district, Meghalaya-a dan kalha lungalhthei laihchhuah leh thiarchhuah hna kalpui chungchang a sawisel avangin kut pawh a lo tuar tawh a ni. Award hi human rights activist Emma Sinclair-Webb leh 2018 International Hrant Dink Award laureate Murat Celikkan hnen aṭangin a dawng a ni. 

Award a dawn hnua thu a sawiah Marsing chuan, "Mipuite hian thil dik lo thlengte chu auchhuahpuia, an dikna chanvo an palzut sakte chu theihtawpa kan thlawpna kan lantir a ngai a ni. Kan thawhho chu thil tam tak kan ti thei a, remna leh muanna siamin naupang ṭhang lian mekte rilruah pawh hlauhna ni loin, hmangaihna kan tuh thei dawn a ni," a ti. 

Kharsiing hi Civil Society Women's Organisation chairperson a ni bawk a, state chhunga eirukna leh dan loa lungalhthei laihchhuahte dodalin a sawisel fo ṭhin a ni. Mi rethei, hmeichhia, naupang leh dinhmun chhe zawkte dikna chanvo humhalh sak turin a bei ṭhin. 

11th International Hrant Dink Award hi Kharsiing bakah Turkish human rights activist Nebhat Akkoa hnenah hlan a ni bawk.