November-ah Sri Lanka President thlang dawn

Sri Lanka Election Commission chuan Nilaini khan November 16-ah an ram president thlanna neih a nih tur thu a puang. 

Inthlana chuh tumte tan October 7 aṭangin nomination a thehluh theih thu Election Commission chuan a tarlang nghal bawk. Sri Lanka President term hi kum 5 a ni. President nilai Maithripala Sirisena term hi nakkum January 9-ah a tawp ang.

President candidate atan hian eptu party, Sri Lanka Podujana Pe­ramuna (SLPP) chuan an hotu Gotabaya Raja­­paksa chu vawrh chhuah an tum. Rorellai, prime minister Ranil Wickremesinghe kaih­hruai United National Party (UNP)-te chuan kar leh lamah an candidate tur an puan dawn thu UNP General Secretary Akila Viraj Kariyawasam chuan a sawi.

Janatha Vimukthi Peramuna party pawhin an candidate tur atan hian an party leader Anura Kumara Dissanayake chu vawrh chhuah an tum bawk a ni.