Naga politics buaina chinfel phutin New Delhi-ah kawngzawh dawn

Naga Students’ Fede­ration chuan September 25 hian Naga politics buaina a rang thei ang bera chinfel an  phutna lan­tirin India ram khaw­pui New Delhi-ah Naga mass rally an buatsaih dawn.

Naga Students’ Union Delhi chuan hemi chungchang hi sawiin, inremna pawmawm, zahawm leh tluantling a awm theihna atan sorkar an nawrna tur a nih thu an tarlang. Mass rally buatsaih tur hian meeting an nei fo tawh a, Nilaini khan thutlukna hi an siam ta  a ni.

Thuchhuah an siam­ah hian zirlai pawl­te chuan prime mi­nister Narendra Modi-a'n a lo tiam tawh angin federation chuan inremna a rang thei ang bera neih an phut tih tarlangin, Naga ṭhalaite duhna chu sorkar laipui beng thleng ngei se an duh tih an tarlang bawk. 

Sorkar laipui leh NSCN-IM-te chuan 2015 August thla khan Frame­work Agreement an lo ziak tawh a, hetah hian PM Modi pawh hi a tel a ni. Mahse vawiin thlengin a hmawr an la bawk thei lo thung.