Tripura-ah mulukawlh breeding centre pathum din dawn

Ministry of Environment, Forest and Climate Change chuan Tripura-a mulukawlh (vulture) breeding centre pathum dinna tur a pawmpui.

Tripura chief minister Biplab Kumar Deb chuan a facebook page-ah hemi chungchang hi sawilangin, Tripura sorkar chu vulture breeding & cultivation pro­ject avanga an lawm thu leh hna pawh an ṭan thuai dawn thu a sawi.

Chief Minister chuan breeding centre pakhat chu Khowai dis­trict-ah siam a ni dawn tih leh Lembucherra leh Dhalai-ahte pawh pakhat ve ve an siam dawn bawk tih a sawi a ni.

Ministry of Environment, Forest and Climate Change chuan tunhnai lawk khan heihi an pawmpui tih sawiin, Bombay natural history society chuan sum leh technology hmangin an ṭanpui dawn tih a sawi bawk. Tripura state forest department chuan kum sarih liam ta vel aṭang khan mulukawlh breeding cen­tre hi din tumin ruahmanna an siam tawh a, mahse chhan hrang hrang vangin an tih hlawhtling thei ṭhin lo. Forest official-te chuan ram­chhunga mulukawlh species pakhat 'white-rumped vulture'-te chu Tripura-ah hmuh tur an awm a, heng mulukawlhte hi mang mai hlauh­awm an ni tawh a ni, a ti.

Tualchhung mite leh forest official-te chuan 'white-rumped vulture'-te hi Khowai lui bul velah hmun tur an awm ṭhin tih an sawi bawk.