SAI-in hmarchhakah NCE pahnih din dawn

Sports ministry chuan 2024 leh 2028 Olym­pic-a infiammite an tel ngei theihna atana special training an neihna tur, Na­tional Centres of Excellence (NCE) pahnih- Guwahati leh Imphal-ah din an tum.

Ramchhung hmun hrang hrangah a awmsate nen NCE 20 tal din tum a ni a, Guwahati leh Imphal-a Sports Authority of India (SAI) centre-te chu NCE-a siam tur hian ruahman a ni.

NCE din thar tura in­fiammi training an pek turte hian infiammi thlanchhuah bik, training an pek ang tho an dawng dawn nia tarlan niin, hemi hnuaia training neite hian an tana duan bik scheme pakhat zawm tur an nei tih an tarlang bawk.

NCE-ah hian grassroots level infiammite training pek an ni dawn a, mahse ram chhunga 20 awm turahte hian an 'performance' azirin khawi hmunah pawh dah theih an ni thung ang.