Assam Anganwadi aṭanga hamṭhatna dawngtu a taka hmuh tur awm lo mi nuai 19.96 awm

Right to Information (RTI) hmanga zawhna chhanna aṭangin, Assam-a Anganwadi aṭanga hamṭhatna dawngtu zinga mi nuai 19.96 zet chu a taka hmuh tur awm lo an ni tih hriatchhuah a ni. 

Assam-ah hian An­gandwadi center hi 62,153 a awm a, heng aṭanga hamṭhatna dawngtu, bene­ficiary awm zat hi 36,24,973 niin, naupai lai leh nausen hnute pe lai ziahluh 5,94,296 an awm bawk. 

Sorkar laipui chuan state tin hnenah an state-a anganwadi centre aṭanga hamṭhatna dawngtu zat dik tak chhiar chiang turin a lo hrilh tawh a ni. Official-te chuan beneficiary lem dapchhuah hna hi kalpui mek a ni a, mahse Assam state aṭang chauh hian report hi a la lut tih an sawi. 

India ram pumah Anganwadi centre hi nuai 14 vel awmin, bene­ficiary - naupang kum ruk hnuai lam, nu naupai lai leh hnute pe lai, an vaiin vaibelchhe 10 vel an awm mek a ni.