PAC-in Dimapur Price Regulation Committee din ṭhat leh phut

Nagaland-a Public Action Com­mittee (PAC) chuan Dimapur district thuneitute chu kar khat chhungin District Price Regulation Committee din ṭha leh turin an phut.

Hemi kaihhnawih buaipuitu department-ah PAC member pahnih dah phut bawkin thil hrang hrang rate mumal taka tarlan an phut bawk.

PAC hian Zirtawpni liam ta khan Dimapur Deputy Commissioner hnenah an thil phut chungchang hi lehkhaa ziakin an thehlut a, thil man mumal taka bithliah a nih loh chuan nawrh huaihawtah an vau.

PAC convenor Vekhosayi Nyekha leh co-convenor K Ghokheto Chopy-te chuan thuchhuah siamin dan loa pawisa khawn ching organization-te chu an khap dawn bakah chutiang tih ching an awm a nih chuan an license tihtawpsak an nih dawn thu an tarlang.

Thil man bithliah mumal tak a awm loh chhanah chuan Dimapur Municipal Council-in lease system an hman vang a nih thu an sawi bawk. Lease system chu thlaleh aṭang hi chuan tihbo nghal a ngai a ni, an ti.