AP-ah Hamara Arunachal Abhiyan kalpui dawn

Arunachal Pradesh sorkar chuan dan leh thupek kenkawhna kawngah state chhung mipui nawlpuite inhrilhhriat leh tha an thawh ve theihna turin October 2 hian Hamara Arunachal Abhiyan kalpui a tum tih home minister Bamang Felix chuan a sawi. 

Abhiyan hi state chhung hmun hrang hrangah kalpui a ni dawn a, mipuite chu dan hrang hrangte hrilhhriat niin, police leh mipuite inkara thawhhona ṭha zawk siam tum a ni dawn a, hei bakah hian mipuiten police-te chungchanga ngaihdan dik lo an lo neih ṭhinte tihbo tum niin, khawtlang boruak nuam leh muanawm a awm theihna tura thawhhona ṭha siam tum a ni dawn tih Felix chuan a sawi a ni. 

Minister chuan, "State chhunga boruak muanawm a awm theihna dan leh thupek kenkawh kawnga mipuite an tel ve a pawi­mawh zia pawh sorkar chuan a hriattir zel dawn a ni. Mipuite an inrawlh ve loh chuan, sorkar chauh chuan hlawtling takin dan leh thupek a kengkawh thei bik lo a ni," a ti. Abhiyan kaltlang hian mipuite chu an mawhphurhnate hrilh an ni ang, tiin a sawi.