Manipur Education Minister-in school enfiah

Hripui leng vanga hun rei tak zirna in khar a nih hnuin January 27 aṭang khan Manipur-ah chuan Class IX chunglam chu school an kal ṭan  a, education minister Sorokhaibam Rajen Singh chuan state chhunga school hrang hrangte a enfiah mek. 

Minister-in school a enfiahnaah hian  Commissioners M Harekrishna (Higher and Technical Education), T Ranjit Singh (Education-Schools), Director L Nandakumar Singh (Education-Schools), Additional State Project Director (Sarba Siksha Abhiyan) T Phulen Meetei, Additional Director (Education-Schools-Village) Bisheshwar Khumukcham leh official dangten an ṭawiawm a ni. 

Staff leh zirlaite attendance-te enfiahin, office hour laia school leh college-a awm lo, teaching leh non-teaching staff-te chungah a ṭul anga action lak zel a nih tur thu minister chuan a sawi. Education Depart­ment chuan school leh college hrang hrangah hand sanitizer, face mask, leh sabawnte a sem vek thu Rajen Singh chuan a sawi a, zirlai leh thawktute chu sorkarin kaihhruaina a siamte zawm ṭha turin a chah nghal bawk.