Nov-ah CAB ngaihtuah a ni ang : Himanta

Assam finance, health and PWD minister Himanta Biswa Sarma chuan sorkar laipui  chuan November thla hian Parliament-ah Citizenship (Amendment) Bill a ngaihtuah leh dawn a ni, a ti. 

Karimganj-a vantlang inkhawm neihnaa thu a sawiah, Sarma chuan CAB hi Parliament thlasik ṭhutkhawmah pharh a ni dawn tih sawiin, National Register of Citizen (NRC) thar kalpuina pawh buatsaih a ni dawn tih a sawi bawk. 

Sarma chuan hmarchhak leilung fate chanvo humhalh leh venhim zel a ni dawn tih sawiin, inner line permit (ILP) system, Sixth Schedule provison te pawh an zah hle tih a sawi. Hemi rual hian dan loa lut ṭhinna venna turin bill neih a ngai a ni, a ti. North East Democratic Alliance (NEDA) convenor chuan Assam leh hmarchhak state danga chengte humhalhna tur bill sorkar laipui chuan siam a tum zawk a ni, a ti. Sorkar laipui chuan hmarchhak bial mipuite culture, ṭawng leh nihphung chu venhim tlat an nihna turin hma a la zel dawn a ni, tiin a sawi.