OIL India official-ten AP CM hmu

Oil India Ltd(OIL) official-te chuan Arunachal Pradesh chief minister Pema Khandu chu Thawhṭanni khan Itanagar-ah hmuin, an state-a oil block pasarih atana forest and environment clearance chungchang an sawipui. 

OIL official-te hi Resident Chief Executive Indrajit Baruah-an a ho a, CM Khandu  hnenah hian OIL chuan AP khawchhak lam, Assam ramri lamah block pasarih an neih thu an hrilh. Heng zinga block ṭhenkhat chu reserve forest leh wildlife sanctuary huam chhunga awm a nih avangin state sorkar hnen aṭanga clearance an neih a ngaih thu an hrilh a ni. Hei bakah hian petroleum company-in AP-a hma a lak dan hrang hrangte, a hmachhawp leh harsatna a neihte pawh Khandu hi an hrilh nghal bawk a ni. 

Namchik leh Jairampur Extension block-a OIL in Petroleum Exploration Licence (PEL) a neih chu hman theih la ni mah se, Demoali block atana PEL erawh chu union ministry of petroleum and natural gas in a la ngaihtuah mek a ni. Official-te chuan central ministry lamin rang zawka survey an neih theihna turin state sorkar hnenah forest clearance pe thuai turin an ngen. 

OIL hian nikum khan AP sorkar hnenah royalty cheng vaibelchhe nga vel zet a pe a ni. Official-te chuan oil siamchhuah a pun chuan, royalty pawh a pung zel dawn tih an sawi. Chief Minister Khandu pawhin OIL official-te chu an state-a an hmalakna hrang hrangah theihtawpa thawhpui a lo tiam a, forest cleareance pekchhuah tur pawh a rang thei ang bera ngaihtuah turin a buaipuitu department a hrilh nghal tur thu a lo sawi a ni.