Tripura Congress president a bang

Congress party Tri­pura unit president Pra­dyot Manikya Debbar­man chuan party presi­dent a nihna leh, party member a nihna aṭanga a ban thu nimin a twitter kaltlangin a puang.

Congress hotu hian Assam-a National Regis­ter of Citizens (NRC) an kalpui ang chu Tripura-a kalpui ve tura Supreme Court-ah ngen a, petition a thehluh avangin party hruaitu dangte nen an inkar boruak a chhiat phah nia sawi a ni. Deb Bar­man chuan senior Congress leader Luizinho Faleiro chuan a petition thehluh hi hnukdawk turin a nawr nasa niin a sawi. 

Tun thla tir aṭang khan Barman leh Faleiro hi NRC chungchangah party leader meeting-ah pawh an lo inhnial tawh nia sawi a ni. Barman chuan a petition thehluh hi hnuhdawh a tum lo a, state mipuite a phatsan thei lo tih a sawi. 

Faleiro nena inhriat­thiam lohna an neih chungchangah hian Congress interim presi­dent Sonia Gandhi pawh a lo hmu tawh bawk.