Shillong-ah BSF-BGP Conference nei

Border Security Force (BSF) leh Border Guards Bangladesh (BGB)-ten Inspectors General-Region Commanders Conference an buatsaih chu Thawhleh-ni khan Shillong-a BSF Frontier headquarters -ah neih a ni. 

Conference-ah hian Bangladesh aiawh mi 12 telin, Zakir Hossain, Additional Director General, Region Commander, North East Region Sarail-in a ho a ni. India aiawhte hi IG BSF, Meghalaya Frontier Kuldeep Saini-a'n a ho bawk. 

Ram pahniha border guard-te hian kumtinin ṭum hnih conference hi an nei ṭhin a, ramri ven hna thawh dan leh, ramria boruak ralmuang a awm theih dan turte an sawiho ṭhin. Bangladesh aiawh rawn telte hi ni li chhung an cham dawn a, an cham chhung hian Shillong leh Guwahati-a hmun pawimawhte tlawhpui an ni ang.