Manipur CM green mission hnuaiah thing phun runpui nei dawn

Manipur chief minister N Biren Singh-a'n Green Manipur Mission a siam hnuaiah, Manipur-ah thingṭiak phun runpui neih a ni dawn. 

Nilaini khan Imphal-a Chief Minister's Secretariat-a Durbal Hall-ah joint ‘Meeyamgi Numit’ (People’s day) and Hill Leaders’ Day hman a ni, he hunah hian CM chuan thingṭiak phun runpui, Koubru hill range-a neih a nih tur hi a sawichhuak a ni. 

CM chuan an state-a poppy chinna hmunte chu thlai dang chinna hmun atana thlak tum a nih thu leh, hemi atan hian DGP Manipur LM Khaute chu civil society orgazination hrang hrangte kawm kual a, hmalak dan turte ngaihtuah tur leh, thingṭiak phun runpui neihpui dan turte sawipui tura ruat a nih thu a sawi. 

‘Meeyamgi Numit’ leh Hill Leaders’ Day hi Manipur sorkar chuan kum 2017 aṭang khan a hmang ṭan a ni.