Tripura tribal party-in NRC phutin kawng zawh

Trpiura-a tribal-base party upa ber, Indigenous Nationalist Party of Tripura (INPT) chuan sorkar laka an thil phut hrang hrang tihhlawhtlin phutin kawng an zawh. An thil phut zingah hian Tripura-a National Register of Citizens (NRC) kalpui pawh a tel. 

Agartala aṭanga km 25-a hla, Tripura Tribal Areas Autonomous District Council (TTAADC) headquarters, Khumulawng-ah ruahsur hnuaiah kawng hi an zawh a ni. INPT general secretary Jagadhish Debbarma chuan Tripura-a NRC kalpui leh TTAADC hnena thuneihna sang zawk pek an phutna chu an kalpui zel dawn tih a sawi. 

TTAADC hian Tripura ram zau zawng hmun thuma ṭhena hmun hnih zet a huam a, mi 12,16,000 chengin, an zinga 90% chu tribal an ni. INPT thil phut dang zingah hian innerline permit system, 8th Schedule-a tribal 'Kokborik' ṭawng telh, tribal hnam hnufual zawkte thuam chakte a tel. Debbarma chuan an state-ah rampawn lam aṭanga lut an tam avangin state leilung fa ngeite chu minority status-ah dah an nih phah tawh tih sawiin, pawn lam miten thil engkim an thunun tawh avangin tribal-te dinhmun chu a chhe tawh hle tih a sawi.