Meghalaya-in electric motor charging station 40 nei dawn

Electric motor chawi lar tumin sorkar laipui chuan hma a la mek a, hemi atan hian union minister of evironment, forest and climate change Prakash Javadekar chuan ramchhunga khawpui 62-ah charging station 2,636 siam phalna a pe. Charging station siamna tur zingah hian Meghalaya state pawh telin, station 40 an nei dawn a ni. 

Charging station-te hi FAME India scheme hnuaiah siam an ni ang. Meghalaya bakah hmarchhak state dang Sikkim-ah pawh charging station hi 29 siam a ni dawn a, Assam-ah 20 siam a ni dawn bawk. Hmarchhak state dang - Arunachal Pradesh, Nagaland, Manipur, Mizoram leh Tripura te erawh FAME India Scheme hnuaiah hian telh an la ni ve lo. 

Rampuma charging station 2,636 siam tur zingah 1,633 te chu fast charging facility an ni ang a, 1,003 erawh slow charging facility pek an ni thung ang. Khawpui thlanchhuak bikah hian charger 14,000 dah a ni dawn tih minister chuan a sawi bawk.