MANPAC-in Oct 3-ah CAB dodalna lantir dawn

Manipur-a Citizenzhip (Amendment) Bill dodaltu pawl, People Against Citizenship Amendment Bill, 2016 (MANPAC) chuan October 3 hian state pumah CAB duh lohna an lantir dawn. 

CAB dodalna an lantir tur hi tunhnaia Kohima-a  North East Forum for Indigenous People (NEFIP) meeting thutlukna bawhzuina pakhat a ni dawn. NEFIP hian CAB chungchangah hmarchhak state pasarih-a governor-te kaltlanga Prime Minister hnena memorandum an thehluh, tun thlenga a ṭha lam hawia chhanna an la hmuh loh avangin bill duh lohna lantir hi an lo rel tawh a ni. 

MANPAC chuan state mipuite hnenah, CAB duh lohna movement kalpui tur chu theihtawpa thlawp turin an ngen.