Tripura by-election-ah BJP candidate chak

Tripura-a Badharghat assembly by-election neih takah BJP candidate Mimi Majumder chu a chak. 

Election Commission-in inthlan result a tihchhuahah, BJP candidate Majumder hian amah hnaih bertu CPI-M candidate Bluti Biswas chu vote 5,276-in a hneh. Congress candidate Ratan Chandra Das chu pathumna niin, SUCI (C) candidate Mridul Kanti Sarkar chuan vote 470 chauh a hmu pha. NOTA-ah vote 667 a tla bawk. 

Badharghat bialtu nilai, BJP MLA Dilip Sarkar a thih vangin by-election hi neih a ni a, he bial hi Scheduled Caste tana dah a ni. By-election hi September 23 khan neih a ni a, September 27-ah result hi puan a ni. By-election inthlanah hmeichhe candidate a tlin leh tak avangin Manipur assembly-ah hian hmeichhe MLA pali an awm ta a, BJP member pathum leh CPI-M member pakhat an awm.