Nagaland MLA hel 7-te chungthu Feb 8-ah ngaihtuah dawn

Nagaland-a Naga People Front (NPF) MLA hel pasarihte chungthu chu February 8 hian Gauhati High Court chuan a ngaihtuah dawn. 

Nagaland eptu pawl, NPF MLA hel pasarihte hian kum 2019 khan Lok Sabha inthlanpuiah an party-in Congress candidate thlawp vek tura an tih chu zawm loin, rorellai People's Democratic Alliance (PDA) candidate an thlawp dawn tih an sawi a ni. Party duhdan kalha an awm avangin NPF chuan heng MLA hel pasarihte hi an party aṭangin a suspend nghal bawk.   Lok Sabha inthlanah hian NPF chuan candidate hran a siam lo a, Congress candidate a thlawp a ni. 

NPF chuan Assembly speaker Sharingain Longkumer hnenah MLA helte hi disqualify tura ngenna an thehlut a, mahse Speaker hian an ngenna hi a hnawlsak avangin nikum July thla k han Gauhati High Court chu inrawlh tura ngenin, interlocutory application (IA) an theh lut. 

Court-a IA an thehluhah, NPF chuan February 12 aṭanga Assembly session neih ṭan turah  MLA helte Assembly-an tel ve theih lohna tura inrawlh turin a ngen a, February 8 hian Kohima bench chuan a ngaihtuah dawn a ni.