Meghalaya BJP-in member nuai khat hming ziaklut

Meghalaya state BJP enrolment drive convener Ernest Mawrie chuan mi nuai khat vel hming an ziak lut tawh tih a sawi.

Ernest Mawrie chuan enrolment drive an neih hma khan an party member atana inziaklut mi 43,000 vel an awm tih a sawi a, enrolment drive an kalpui mekah hian online hmangin mi 20,000 vel an inziahluh tawh thu a sawi bawk.

Mawrie chuan offline application nuai chuang an semchhuah tawh aṭangin Garo Hills-ah mi 30,000 vel an inziak lut tawh a, East Khasi Hills-ah 40,000 leh Jaintia Hills-ah mi 4,000 vel an inziahluh tawh thu a sawi a ni.

Membership drive chu Augsut 12 aṭangin an kalpui ṭha leh dawn a, August 31 thleng an kalpui leh ang. Mi nuai hnih vel tal member atana ziahluh an tum a ni.