Manipur budget session ṭan Vawiinah budget estimate pharh dawn

Manipur Legislative Assembly budget session chu Nilaini aṭang khan neih ṭan a ni a, February 22 thleng a awh ang. Vawiinah budget estimate 2021-22 pharh a ni dawn. 

Session ṭan ni hian Go­vernor Dr Najma Heptulla chuan thu sawiin, darkar khat leh a chanve hun a hmang. Governor chuan kum thum leh a chanve chhunga an state-a BJP kaihhruai ṭangrual sorkar hnathawh hrang hrangte a tarlang a ni. Nimin khan House-ah member thite sunna hun hman a nih bakah,  Governor thusawi hi sawiho zui a ni. 

Chief minister N Biren Singh chuan vawiinah budget estimate 2021-22 a pharh dawn. CM hian nimin khan 15th Business Advisory Committee Report a pharh  tawh bawk a ni. Session chhung hian department 50 dawnte demand sawiho a ni bawk ang. 

Manipur-ah hian March, 2017 aṭang khan BJP kaihhruai ṭangrual sorkar hi a ding a, ṭangrual sorkar hi National People's Party, Naga People's Front, Trinamool Congrss, Lok Janskhakti Party leh Independent MLA-ten an thlawp.