PM-in Assam medical college pahnih Lungphum a phum dawn

Prime minister Narendra Modi chuan February 7 hian Assam a tlawh leh dawn a, medical college pahnih din tharna tur lungphum a phum dawn a, state highway cheiṭhatna tur, 'Assam Mala' scheme a hawng nghal bawk ang. 

March-April vela assembly inthlan neihna tur, Assam hi PM Modi-a'n kumin chhunga a tlawh ṭum hnihna tur a ni. 

PM Modi hian Charaideo leh Bishwanath district-ah medical college din tharna tur lungphum hi a phum dawn a ni. Union finance mi­­­­nister Nirmala Sitharaman pawhin na­k­­tuk hian Guwahati tlawh a tum bawk a, tea garen woker nuai riat vel bank account-a pawisa dahsakna tur programme buatsaih a hmanpui dawn a ni. State sorkar chuan tea worker-te bank account-ah hian Rs 3,000 ṭheuh a dahsak dawn a, hemi atan hian sorkarin cheng vaibelchhe 2.4 a seng ang. Finance minister Himanta Biswa Sarma chuan pawisa tih thih a nih hnuah khan tea worker-te bank account  hawnsakin, Rs 2,500 ṭheuh thunsak an lo ni tawh a, kuminah chuan Rs 3,000 ah an tihpun sak niin a sawi.