Nagaland CM in NERPC chairman charge la

Nagaland chief minister Neiphiu Rio chuan Nilaini khan North East Regional Power Committee (NERPC) chairman charge a la. 

Kohima-a Chief Minister’s Residential Complex (CMRC)-ah NERPC chairman hlui, Meghalaya power minister James Sangma chuan Rio hnenah charge hi a hlan a ni. 

Rio hian nikum March 16 aṭang khan chairman charge hi la tawh mah se, Covid-19 hripui leng vangin official-in charge hi an la inhlan lo a, Nilaini  khan an inhlan ta chauh a ni. NERPC chairman dinhmun hi hmarchhak state-a power minister-ten kum khat a inchelh chhawk ṭhin. 

CM Rio chuan NePC chu hmarchhak biala power sector lam kaihhhnawih thil buaipuitu forum sang ber a ni tih sawiin, NERPC chuan energy flow leh Grid Discipline kalpui dan chungchang enfiah pawh a mawhphurhna a ni, a ti.