YAM-in PMGSY tender kalpui dan CBI chhuitir phut

Young Arunachal Move­ment (YAM) chuan an state-a Pradhan Mantri Gram Sadak Yojana (PMGSY) tender pek tana dik lo taka thiltih awm chu Central Bureau of Investigation (CBI) chhuitir an phut. 

YAM chuan Arunachal Rural Road Development Agency (ARRDA) security-cum-chief executive officer Kapa Kholie pawh bang turin an phut bawk. Nilaini-a press club-a media mite an kawmnaah, YAM general secretary Tana Tamar chuan CBI-ten dik taka an chhui chian theihna turin Kapa Kholie bakah RWD western leh eastern zone chief engineer leh RWD SFAO-te chu ban turin an duh tih a sawi. 

Tamar chuan ministry of rural development (MRD) chuan PMGSY hnuaiah kum 2018-19 chhung atan batch I-naah kawng 153 leh lei 55, batch II-naah kawng 115 leh lei 35 siamna tur, cheng vaibelchhe 3882.43 a sanction tih a sawi. 

Mahse kawng 268 leh lei 60 siamna tur project atana tender tihchhuah chu, CPWD hnuaiah dan leh dunte palzutin dik lo takin hnathawh tur hi sem a ni, a ti. Hei vang hian tender pek dan hi CBI-in chhui ngei se an duh tih a sawi a ni.