Manipur sorkarin helicopter a service tir leh dawn

Manipur sorkar chuan 'Manipur Helicopter Service' a kalpui leh dawn. Hemi atan hian Global Vectra Helicorp Ltd nen Memorandum of Understan­ding (MoU) an ziak. 

Helicopter service hi Imphal International Airport leh Jiribam, Tamenglong leh Moreh inkarah kalpui a ni ang. 

Chief minister N Biren Singh chuan helicopter hmang hian hmun kilkhawr zawka chengte chuan an mamawhte rang zawkin an lam thei dawn a, hei hi hmasawnna kawng khat a ni, a ti. Helicopter tam zawk service tirin, hmun dang tlawhpawh harsa deuhahte pawh service tir zel a duh thu a sawi. 

August 10 hian mi 8-12 chuan theihna,  BELL 412EP helicopter chu Imphal International Airport-ah dah ṭan a ni dawn a, trial landing pawh neih nghal a ni ang. Manipur-a helicopter service  provider atan hian M/S Vectra Helicorp Ltd, New Delhi chu kum 2020, March thla thleng atan ruat/thlan a ni a, hei hi pawhsei theih a ni dawn bawk.

Manipur-ah hian a hmain Pawan Hans Ltd chu service provider a ni ṭhin a, mahse kumin February 9 aṭang khan service hi a titawp a ni.