Assam CM-in heliport hmasa ber a hawng

Assam chief miniser Sarbananda Sonowal chuan Ningani khan Majuli-ah an state-a Heliport hmasa ber leh guest house a  hawng. 

Heliport leh guest house hi tourism in­frastructure tichang­tlunna atan leh, Majuli-a khualzin tam zawk hip luh an nih theihna atana siam an ni tih CM chuan a sawi. 

Chief Minister hian Nilaini khan Bongaon-ah Majuli University of Culture-a academic prorgramme a lo hawng tawh bawk a, Pub Majuli College infrastructure tihchangtlunna atan cheng vaibelchhe 10 pek a nih thu a puang. He university aṭang hian Assemese leh North East India indigenous language dangah Master degree a zir theih dawn a, hei bakah hian Manu­script Studies, He­ritage Studies and Conservatoin, Yoga and Physical Health, Mask Making and Sculpture bakah Missing Language a zir theih bawk ang. Academic session hmasa berah hian zirlai 106 an awm a ni. 

15th Finance Com­mission chuan Majuli-ah hian em­bankment-cum-road thar siamna turin Rs vbc 1,000 chuang a ruahman bawk. CM chuan Jorhat leh Majuli inkarah lei dawh tur chu February 20 aṭangin thawh ṭan a ni dawn tih a sawi bawk.