Tripura zirtirtu banten nawrh chhunzawm dawn

Tripura zirtirtu aṭanga bante chuan Ningani khan nawrh chhunzawm leh an tum tih an sawi. 

Zirtirtu ban takte hian ni 52 chhung nawrh an huaihawt hnuah, January 27 khan police-te chuan an nawrh huaihawtna hmun aṭangin an nawr chhuak lui a, hei vang hian security force-te nen pawn an intihbuai phah a ni. 

Nikum December 7 aṭang khan zirtirtu ban, mi 10,323 te hian an hna ngaia dah leh leh phutin Agartala-ah khawvawt tak hnuaiah tiam chin awm loa nawrh hi an huaihawt a ni. Nawrh an huaihawt hnuah hian an zinga 85 chu chhan hrang hrang vangin an thi tawh niin an pawl thupuangtu, Bijay Krishna Saha chuan a sawi. 

Agartala-a nawrh huaihawt chhunzawm an tum chungchangah police-te chuan phalna an pe duh lo a, mahse zirtirtute hian boruak ṭha tak hnuaia nawrh an huaihawt chhunzawm theihna tura inrawlh turin Hgih Court-ah zualko an tum tih an sawi. "State sorkarin kan hna ngai min pek kir leh hma chuan kan nuar zel dawn a ni," tiin Saha chuan a sawi. 

Nawrh huaihawt mekte hian BJP kaihhruai sorkarin department hrang hranga hna ruakte dil tura a rawtna chu an hnawl a, an hna kaiah dah kir leh vek an phut a ni.