Tripura tan Rs vbc 875 sanction belh

15th Finance Com­mission chuan Tripura-a infrastructure siamna atan additional grant, cheng vaibelchhe 875 a sanction belh leh. 

Rs vbc 400 chu West Tripura district-a Champaknagar leh Champaicherra-a check dam siamna atana tih a ni a, Rs vbc 175 chu tourism spot pahnih, Udaipur-a Tripureswari temple leh Melagarh-a Neermahal chei ṭhatna atan tih a ni bawk. Tripureswari temple-ah hian ropeway leh peeth 51 siam a ni ang. 

Mipuite leh sorkar official-te tana a awlsam zawkna turin, sorkar official-te hmun khata dah khawm an nihna turin building lian tak sak tum a ni bawk a, hemi atan hian Rs vbc 100 ruahman a ni. District headquarters panga - Khowai, Bish­mramganj, Ambassa, Belonia leh Kailashahar cheina turin Rs vbc 125 dah a ni bawk a, district headquarters tin hian drainage sytem, solid waste managment leh street light siamna tan Rs vbc 25 ṭheuh an dawng ang. Hei bakah hian district headquarters dang pahnih, Dhar­managar leh Udaipur-a infrastructure tih­changtlunna turin Rs vbc 75 ve ve pek an ni dawn bawk. 

Chief minister Biplab Kumar Deb chuan prime minister Narendra Modi leh sorkar laipui chungah sum pek belh an nih avangin lawmthu a sawi a, heng sum pekbelh hmang hian an state infrastructure chuan nasa takin hma a sawn dawn a, tourism sector lam pawhin an hlawkpui ngei dawn a ni, a ti.